Á döfinni

 01.feb 2016

 

 

Nú stendur yfir yfirlitssýning á verkum Steinunnar Marteins í Hönnunarsafni Íslands á Garðatorgi. 

Á sýningunni er farið yfir feril Steinunnar sem spannar um 55 ár og gefur góða sýn á persónulegan stíl hennar, tilraunargleði og stöðuga þróun hennar sem leirlistamanns.

Við mælum með að þið kíkið á sýninguna sem stendur yfir frá 6. janúar til 28. febrúar. Á því tímabili verður Steinunn sjálf með nokkrar leiðsagnir um sýninguna og er hægt að nálgast upplýsingar um það á heimasíðu Hönnunarsafnsins.

 

23.júní 2015

 

 

Við vorum að skoða gamlar negatívur í eigu félagsins og skönnuðum nokkrar á stafrænt form. Þvílíkt gull! Hér sjáum vid Guðrúu Indriðadóttur og Elinu Gudmundsdóttur að rakúbrenna, fyrir líklega 25 árum síðan! Stæll á stelpunum ;)

 

 

30.ágúst

 

 

Votlönd

ÍSLAND 4+4 FINNLAND

NORRÆNT SAMTÍMA KERAMIK

 

Sýningin „Votlönd“ verður opnuð í sýningarsal Norræna hússins laugardaginn 30. ágúst kl. 16.00.

Að sýningunni stendur hópur íslenskra og finnskra listakvenna sem áður hefur sýnt bæði á Íslandi og í Finnlandi. Kveikjan að samstarfinu var áhugi fyrir samtali um keramik á breiðum grundvelli og þróun fagsins í báðum löndum.

Mýrin varðveitir minningar, hluti, lífsform, jarðlög, liti. Hún umvefur fuglana sem verpa og ala upp unga, frjósemi hennar veitir  gróandanum  næringu, skordýrin kunna sér ekki læti í votlendinu. Hún er líka varhugaverð og getur gleypt það sem sekkur í hana en um leið varðveitir hún það um alla eilífð.

Mýrina nálgast listakonurnar á margvíslegan hátt eins og verkin á sýningunni bera ótvírætt vitni um.

Sýnendur eru:

Guðný Hafsteinsdóttir

Ólöf Erla Bjarnadóttir

Kristín Sigfríður Garðarsdóttir

Sigurlína Osuala

Hannamaija  Heiska

Jaana Brick

Merja Ranki

Päivi Takala

 

 

Allir velkomnir

Sýningarsalur Norræna hússins er opinn þri. - sun. frá kl. 12:00-17:00.

Sýningin stendur frá 30. ágúst til 21. september.

 

Sunnudaginn 31. ágúst verða sýnendur  með  leiðsögn um sýninguna.

15.maí

 

 

Aðalfundur félagsins var haldinn á Korpúlfsstöðum laugardaginn 10.maí kl.17-18.45. Að fundinum loknum var árshátíð félagsins haldin. Á fundinn mættu 11 félagar og álíka mæting var á árhátíðina.

Breytingar urðu á stjórninni. Unnur S. Gröndal hætti sem ritari og í stað hennar var kosin Katrín V. Karlsdóttir.

7.maí

 

 

Aðalfundur félagsins verður haldinn á Korpúlfsstöðum laugardaginn 10.maí kl.17-18.45. Að fundinum loknum verður árshátíð félagsins haldin. Við hvetjum alla félaga til að mæta á fundinn og gaman væri að sem flestir tækju þátt í árshátíðinni. Þeir sem vilja vera með á árshátíðinni eru beðnir að melda sig hjá stjórninni.

 

4.apríl

 


Opið hús verður á Korpúlfsstöðum þann 3.maí. Verkstæði Leirlistafélagsins verður opið 
kl.13-17. Segjum nánar frá þessu síðar.

 

20.mars 2014

 

Hönnunarmars

Hönnunarmars nálgast óðfluga. Hægt er að lesa um viðburði leirlistafélagsins og félaga leirlistafélagsins á síðu Hönnununarmars.

 

Hönnunarmars

20.mars 2014

 

Góð mæting var á félagsfundinn 13.mars. Ákveðið var að aðalfundur félagsins yrði haldinn laugardaginn 10.maí. Þá verður einnig haldin árshátíð.

8.mars 2014

 

Félagsfundur 13.mars

Fimmtudagur kl.19.30 í SÍM húsinu við Hafnarstræti.

Kertastjakasýning – Fundur

 

Þriðjudaginn 19.nóvember verður haldinn

fundur með þeim sem taka þátt í kertastjakasýningunni í Grensáskirkju.

Fundurinn er kl.17.30 í kaffistofunni á Korpúlfsstöðum.

Sitemap
Höfundarréttur © 2014 Leirlistafélag Íslands